推荐预测：雷加利斯唔赦里

雷加利斯唔赦里

为护级战意高昂

今晚係西甲煞科日，全部10场同日打晒，而焦点竟然落喺一场强弱悬殊之战，由尾3嘅雷加利斯主场迎战1哥皇马。雷加利斯季尾开行Turbo抢分，依家只落后切尔达1分，护级仍未绝望，但非胜不可之下冇得死守，皇马啱啱重夺联赛冠军，稍有鬆懈放水唔奇，仲要让波信唔过，宁捧让球主胜。

正所谓季尾波，战意大过天，雷加利斯就係最佳例子，主帅艾古尔一向老谋深算，于季尾疯狂发力，近8仗联赛取得3胜3和2负，狂抢12分，单计近4仗取得3胜1和兼冇失波，包括击败毕尔包同华伦西亚，仲要喺阵中首席射手洛迪古斯阿尼斯缺阵大部分赛事下取得，难能可贵，同时亦反映出一人肯走多步，愿望就有机会达到。雷加利斯依家排紧尾3，落后「安全线」切尔达1分，由于对赛成绩输晒，就算同分都会係切尔达护级成功，因此雷加利斯今仗非胜不可，仲要望切尔达失分，虽然形势略为被动，但预计佢哋会先做好本分，再期待奇迹出现。

皇马提早封王必心散

皇马于啱啱周中击败维拉利尔，提早1轮封王，唔单止係佢哋第34次勇夺西甲冠军，亦係自2016至17年度球季后再次捧盃，尤其係把握巴塞自乱阵脚下夺冠，值得开心，但众将难免仍沉醉于喜悦中，唔好期望佢哋搏甩髀，随时派副选出战。睇番双方近3次碰头，雷加利斯只曾1败，加上「银河舰队」心都散晒，雷加利斯可趁机偷鸡，主场受让必捧让球主胜。