推荐预测：般尼茅夫修咸顿大驳火

般尼茅夫修咸顿大驳火

排尾3嘅般尼茅夫今晚进行护级抢分战，将于主场迎战修咸顿！般尼茅夫依家落后尾4嘅屈福特3分，只剩2轮情况之下已经再冇失分空间，主场出击必定毫无保留争胜抢分，预料今场係斗攻格局，中位数2.5球入球大咪错过。

以攻代守冇退路

作客嘅修咸顿位列中游、定过抬油，球会成绩上已经冇明确目标，不过王牌前锋丹尼艾格斯近期状态巅峰，火力全开有力问鼎神射手宝座，呢位英格兰前锋近7场联赛入5球，今季联赛累积已入20球，有机会同占美华迪及奥巴美扬拗手瓜，修咸顿讲明会全力配合，用尽所有进攻踢法，为丹尼艾格斯提供足够入波机会。事实上早已「上岸」嘅修咸顿近期踢法进取，近7场作客赛事有6场总入球开3球或以上，冇包袱之下想入波更得心应手。

不过对手般尼茅夫就压力爆灯，今场攞唔晒3分随时提早宣布降班，更大镬係后防主力尼敦阿基受伤缺阵，但係形势上焗攻冇退路，预计佢哋踢法会以攻代守；今场势成开放式对攻赛事，入球大最值得捧场。